ტრანსვესტიკური ფეტიშიზმი

ტრანსვესტიკური ფეტიშიზმი არის სექსუალური, ან ეროტიული სურვილები,  საპირისპირო სქესის ტანსაცმელი გამოიყენონ, როგორც დამხმარე საშუალება  მასტურბაციისთვის ან კოიტუსისთვის. ტრანსვესტიკური ფეტიშიზმისკენ მიდრეკილება ადამიანებს უყალიბდებათ ბავშვობიდანვე, ან ახალგაზრდობაში.  

საკმაოდ ხშირად, ასეთ კაცებს აქვთ სურვილი, ჩაიცვან და მუდმივად ატარონ ქალის ტანსაცმელი,    ხოლო იგივე სურვილი ქალებში  კაცების ტანსაცმლის ტარების მიმართ შედარებით იშვიათია.

ტრანსვესტიკური ფეტიშიზმის მიმდევრები, როგორც წესი, არ  შემოიფარგლებიან, საპირისპირო სქესის რომელიმე კონკრეტული სამოსით. მათ ხშირად  მთელი გარდერობი აქვთ ხოლმე ასეთი ტანსაცმლის.

ასეთი მამაკაცები, როდესაც იცვამენ ქალის ტანსაცმელს,  ცდილობენ და ხშირად გამოსდით კიდეც გამოიყურებოდნენ  ისე, რომ ძნელია მათი გარჩევა ქალისგან, თუმცა ეს მსგავსება ისეთი მაღალი ხარისხით არ არის, როგორსაც ტრანსსექსუალიზმის შემთხვევაში ვხვდებით.  საინტერესოა ის ფაქტი, რომ ტრანსვესტიც ფეტიშიზმის მიმდევარი კაცები ქალის ტანსაცმლის გარეშე, ხშირად საკმაოდ მამაკაცური და დაკუნთული გარეგნობისანი არიან  და შეუძლებელია მათი გარჩევა ჩვეულებრივი მამაკაცებისგან.
ტრანსვესტიკური ფეტიშიზმი, როგორც წესი ლატენტურად იწყება და პიკს აღწევს სქესობრივი ცხოვრების დაწყების შემდეგ, ზრდასრულობაში, იმ დროისთვის, როცა ადამიანი მშობლებისგან და ახლობლებისგან დამოუკიდებლობას მოიპოვებს და  საზოგადოებაში იმკვიდრებს ადგილს.

ტრანსვესტიკური ფეტიშიზმი არ გულისხმობს, სქესის იდენტურობის პრობლემებს, ანუ თითქმის არასდროს არ მიმართავს ასეთი ადამიანი ქირურგიას სქესის შეცვლის მიზნით. ეს ადამიანები თავს კარგად გრძნობენ და არ აქვთ დისკომფორტი საკუთარ ბიოლოგიურ სქესთან.

ასეთი მამაკაცები ხშირად აგროვებენ ხოლმე ქალის ტანსაცმელს, მაგ, საცვლებს, ღამის პერანგებს, ლიფებს,  კოლჰოტებს,  ქალის ფეხსაცმელებს და ა. შ.

უმეტესად ტრანსვესტიკური ფეტიშიზმი მამაკაცებს ახასიათებთ, ქალებში ეს მდგომარეობა ძალიან იშვიათად გვხვდება.  ასეთი მამაკაცები  სექსუალურად იგზნებიან  საკუთარი თავის წარმოდგენით  ქალის ტანსაცმელში და უყვართ სურათების გადაღება ასეთ დროს.

ტრანსვესტიკური ფეტიშიზმი, საკმაოდ საინტერესო ფენომენია, საინტერესოა ის ფაქტი, რომ ადამიანი ამ დროს ქალად არ გრძნობს თავს, თუმცა მისი ვნებები და სექსუალური ფანტაზიები უკავშირდება ქალის ტანსაცმლის ტარებას, ასეთი მამაკაცები როგორც წესი არაფრით განსხვავდებიან ჩვეულებრივებისგან. პარაფილიის ამ გამოვლინებას განსაკუთრებული ხიბლი და მისტიციზმი შემატა  Jonathan Demme –  ის  1991 წელში გადაღებულმაის ფილმმა “კრავთა დუმილი”.