კეგელის ვარჯიშები (მამაკაცებისთვის)

ადამიანის სქესობრივი აქტივობის ფიზიოლოგიაში მნიშვნელოვანია მენჯის  სხვადასხვა კუნთების მოქმედება. განსაკუთრებული მნიშვნელობა ენიჭება  PC- კუნთს (პუბოკოქციგეალური, ბოქვენ კუდუსუნის).  ეს კუნთი იწყება ბოქვენის ძვალთან და გრძელდება კუდუსუნამდე ქმნის ერთგვარ საფარს მენჯის ღრუსთვის. მისი ფუნქციაა  მოშარდვის კონტროლი, აგრეთვე ორგაზმის და ეაკულაციის კონტროლი.  პუბოკოგციგელური კუნთის სიძლიერე უზრუნველყოფს შარდის შეუკავებლობის ნაწილობრივ განკურნებასაც.   ეს კუნთი მონაწილეობს აგრეთვე მშობიარობაში და  სქესობრივ აქტში, მისი მეშვეობით შესაძლებელია მამაკაცის ეაკულაციის შეკავება. ეს კუნთი  საკმაოდ მძლავრად იკუმშება ორგაზმის დროსაც.

მნიშვნელოვანია, ის ფაქტი, რომ PC  კუნთის და მცირე მენჯის და შორისის კუნთებით შესაძლებელია  ორგაზმის მართვის სწავლა, ეაკულაციის დროის გახანგრძლივება, საშოს ტონუსის გაუმჯობესება(ქალებში), რის შედეგადაც საშო ვიწროვდება და სქესობრივი კონტაქტი უმჯობესდება და ხდება უფრო სასიამოვნო.

დოქტორმა არნოლდ კეგელმა  შექმნა მენჯის კუნთების ვარჯიშები, რომლის შედეგადაც ადამიანს შეუძლია აკონტროლოს საკუთარი კუნთები, რომლის ნებით კონტროლიც ჩვეულებრივ შემთხვევაში სუსტია და ადამიანების უმეტესობას არ ძალუცს.

.

კეგელის ვარჯიშების დროს PC- კუნთის გარდა,   მონაწილეობას ღებულობს  კრემასტერული, იშხიოკავერნოზული, ბულბოკავერნოზული კუნთები. კეგელის ვარჯიშები აძლიერებს კრემასტერულ რეფლექსსაც ( ამ რეფლექსის შედეგად სათესლე ჯირკვლები იწევა ზევით), რომელიც ჩვეულებრივ, ყველა მამაკაცში შეიძლება არ აღმოცენდეს. კეგელის ვარჯიშები აუმჯობესებს მდგომარეობას ერექტიული დისფუნქციის დროსაც.

მენჯის კუნთების სიძლიერეს(განსაკუთრებით პუბოკოგციგეალური) მრავალი დადებითი შედეგის მოტანა შეძლია:

  • აუმჯობესებს ორგაზმს და მის სიძლიერეს
  • შესაძლებელს ხდის ნაადრევი ეაკულაციის სრულ კონტროლს
  • სპერმის გადმოღვრის დინსტანციას ზრდის
  • ზრდის ერექციის კონტროლს
  • უმჯობესდება შარდის შეკავება და გამოყოფა
  • ქალებში- აადვილებს მშობიარობას, ვინაიდან მრავალ შემთხვევაში სუსტი მენჯის კუნთები ხდება საკეისრო კვეთის მიზეზი.
  • ზრდის საშოს შეკუმშვის ძალას.

ზოგ ადამიანმა არ იცის როგორ უნდა „იპოვნოს“ საკუთარი  PC – პუბოკოგციგეალური კუნთი, ამისთვის მარტივი პროცედურაა საჭირო. ადამიანი, როცა შარდავს, თუ ეცდება იმ მომენტში შარდის ნაკადის შეკავებას, მაშინ დაძაბავს საკუთარ მენის PC (პუბოკოგციგეალური) კუნთს.

კეგელის ვარჯიშების ძირითადი პრინციპი მდგომარეობს პუბოკოგციგეალურეი კუნთის გავარჯიშებაში და გაძლიერებაში.  კეგელის ვარჯიშები უნიკალურია იმით, რომ მისი ვარჯიში შესაძლებელია ნებისმიერ დროს, ნებისმიერ ადგილზე.

1 –   პირველ რიგში აუცილებელია პუბოკოგციგეალური კუნთის გავარჯიშება მისი სწრაფი შეკუმშვით და მოდუნებით, ამ ვარჯიშს flutter- ეძახიან.  ადამიანმა უნდა წარმოიდგინოს ის განცდა რასაც განიცდის შარდის შეკავების დროს, მაშინ როცა პუბოკოგციგეალური კუნთი იპოვნა.  მან ზუსტად ისე უნდა გააკეთოს, როგორც შარდის ნაკადს აკავებს.  ეს მოქმედება უნდა შეასრულოს  მრავალჯერ, მოადუნოს და დაძაბოს და შეკუმშოს ეს კუნთი.  კუნთის შეკუმშვის შემდეგ რამოდენიმე  წამში (5-10)  ადამიანი კარგავს მასზე კონტროლს და შემდეგ კუნთი უნებლიედ დუნდება.

ამ ვარჯიშის გაკეთება სასურველია დღეში რამდენჯერმე (3-4). კუნთის დაძაბვა(შეკუმშვა) უნდა მოახდინოს ადამიანმა იმდენი ხანი რამდენსაც შეძლება (დაახლოებით 10 წმ.) ვარჯიშის დაახლოებით ერთი წუთი უნდა გაგრძელდეს(შეიძლება მეტიც).

ეს ვარჯიში ეხმარება ადამიანს ეაკულაციის კონტროლში, მაშინ როცა იგრძნობს, რომ ეაკულაცია უნდა დადგეს, დაძაბავს PC კუნთს და ამის შედეგად არ მოხდება ეაკულაცია, მოხდება მისი შეკავება. როდესაც ეაკულაციის ტალღა გადაივლის შესაძლებელია კუნთის მოდუნება.

2 –  მეორე  ვარჯიშს წარმოადგენს PC  კუნთის დაძაბვის დროის გახანგრძლივება,  და შეკუმშვის გაძლიერება, რაც უფრო ძლიერად იკუმშება კუნთი მითი ძლიერია ორაგაზმი და ეაკულაციაც. ამისთვის საჭიროა იგივე პუბოკოგციგეალური კუნთის დაძაბვა და ასე შეჩერება იმდენ ხანს რამდენადაც მაქსიმალურად არის შესაძლებელი. დაძაბვა უნდა მოხდეს მთელი ძალით და არა ნაწილობრივ, ანუ რაც შეიძლება ძლიერად.  ძლიერი შეკუმშვის შემდეგ კუნთზე კონტროლი სრულად შეიძლება დაიკარგოს, ანუ ვეღარ გააკონტროლოთ იგივე კუნთი ცოტა ხნის განმავლობაში, თუმცა დაახლოებით ერთ წუთში აღდგება კონტროლი და იგივე ვარჯიშები ყოველ ერთ წუთში უნდა გამოერდეს.  ეს ვარჯიშებიც მინიმუმ 3-4 ჯერ უნდა გაკეთდეს დღეში.

ვარჯიშის შედეგად შესაძლებელია კუნთზე კონტროლის  მიღწევა ერთი წუთის განმავლობაში, ასეთ შემთხვევაში ორგაზმი და ეაკულაცია იქნება სუპერ მძლავრი, რაც დიდი სარგებლის მომტანია მამაკაცის სექსუალობისთვის. ამ ვარჯიშის გაკეთება შესაძლებელია ნებისმიერ დროს ნებისმიერ ადგილზე მთელი დღის განმავლობაშიც.

3 – მესამე ტიპი,  პირველი და მეორე ვარჯიშის კომბინირებული ვარიანტია, მამაკცამა უნდა შეკუმშოს კუნთ 3-5 წამის განმავლობაში შემდეგ მოადუნოს  იგივე დროით, შემდეგ ისევ შეკუმშოს, ეს მოქმედებები უნდა გაიმეოროს რიტმულად, მონაცვლეობით.  ამ ვარჯიშის გაკეთება საჭიროა 3-5 წუთის განმავლობაში, ან მეტი დროით. ამ ვარჯიშის გაკეთება სასურველია დღეში მხოლოდ ერთხელ. ვარჯიშის შედეგად შესაძლებელია ვარჯიშის დროის გახანგრტძლივება 20 წუთამდეც. ეს კი სრული კონტოროლის მოპოვების საფუძველია, PC კუნთის ასეთ დონეზე გავარჯიშების შემდეგ, ადამიანს აღარ შეაწუხებს ნაადრევი ეაკულაცია, ვინაიდან მას ეაკულაციაზე სრული კონტროლი ექნება.

4 – ვარჯიშის სახეობა  წარმოადგენს პუბოკოგციგეალური კუნთის დაძაბვა შეკუმშვა ქაოტური რიტმით, ნებისმიერ დროს ნებისმიერ ადგილზე. მაგ. ტელევიზოდის ყურებისას, ჯდომისას, საირულისას, მგზავრობისას და ა.შ.

 

ამ ვარჯიშების შესრულება აუცილებელია რეგულარულად, მინიმუმ კვირაში  3-4  მაინც, და იმდენი ხნის განმავლობაში, რამდენი ხნითაც შესაძლებელია.

შედეგად  მიიღწევა მამაკაცის ორგაზმის და ეაკულაციის სრული მართვა.  რაც ძალიან დიდ წარმატებას წარმოადგენს კაცების იმ დიდი სეგმენტისთვის და კიდევ ის მრავალი სიკეთ, რომელიც აღწერილია ზევით მძლავრი PC კუნთის აღწერისას.