მშრალი ორგაზმი

მამაკაცის  ორგაზმი ასოცირებულია ეაკულაციასთან, ანუ სიამოვნების მწვრვალს უმეტეს შემთხვევაში ემთხვევა ეაკულაცია.  თუმცა შესაძლებელია არსებობდეს ორგაზმი ეაკულაციის გარეშე, სწორედ ასეთი სახის ორგაზმს ჰქვია მშრალი ორგაზმი.  შესაძლებელია მოხდეს ეაკულაცია ორგაზმის გარეშეც, ასეთი შემთხვევები ხდება დაგვიანებული ეაკულაციის, ღამის ემისიების და ანორგაზმული ეაკულაციის დროს.  მამაკაცების ნაწილი ორგაზმს აღწევს პროსტატის სტიმულაციით (უმეტეს შემთხვევებში ჰომოსექსუალური კავშირების დროს).  მამაკაცის ორგაზმი პირობითად დაყოფილია ორ ფაზად, პირველი ფაზის დროს ინტენსიურ სიამოვნებას თან ახლავს, გრძნობა, რომ ეაკულაცია იწყება, ამას ქმნის დამატებითი ორგანოების კუნთების შეკუმშვა, რამოდენიმე წამში (1-3) მოჰყვება უშუალოდ ეაკულაცია ანუ სპერმის გადმოღვრა. ეაკულაცია როგორც წესი შეუჩერებელი პროცესია.  მამაკაცს არ შეუძლია ეაკულაციის მომენტში სპერმის გამოყოფის ხანგრძლივობის და შეჩერების კონტროლი.  ეაკულაციის დროს ადამიანი განიცდის ძლიერ სიამოვნებას, რაც მეტია სპერმის მოცულობა,  მით მეტია სიამოვნების განცდაც.

ლიტერატურაში მამაკაცის ორგაზმი უმეტესად გათანაბრებულია ეაკულაციასთან, მასტერსის და ჯონოსნის ხედვითაც ორგაზმი და ეაკულაცია განხილული იყო ერთად და მათ რეფრაქტერული პერიოდი უწოდეს დროის მონაკვეთს რომლის ფარგლებშიც ადამიანს არ შეუძლია ერთი ორგაზმის შემდგომ მეორე ორგაზმის განცდა.

არსებობენ მამაკაცები რომელთაც შეუძლიათ მრავლობითი ორგაზმის განცდა ისე რომ რეფრაქტორული პერიოდი მხოლოდ მცირედ ან არ შეიძლება იყოს გამოხატული.   მრავლობითი არაეაკულაციური  ორგაზმის განცდის უნარი ასოცირებულია პრეპუბერტატულ ასაკში სქესობრივი აქტივობის (უმეტესად მასტურბაცია) დაწყებასთან.

მრავლობითი ორგაზმის მიღწევის უნარი არის როგორც ბუნებრივი ასევე სწავლებადი.

კველევების შედეგად ნათელი გახდა, რომ მამაკაცის რეფრაქტორულ პერიოდს იწვევს პროლაქტინის მატება ორგანიზმში, შესაბამისად მისი დათრგუნვა შესაძლებელია გახდეს მრავლობითი ეაკულატორული ორგაზმის საწინდარი. თუმცა წამლებს რომლებიც თრგუნავენ პროლაქტინს აქვთ გვერდით ეფექტები და მათი გამოყენების მიზანშეწონილობა კითხვის ნიშნის ქვეშ დგას.  ასევე რეფრაქტორული პერიოდის ხანგრძლივობაზე შეიძლება მოქმედებდეს ოქსიტოცინიც.

მშრალი ორგაზმის მიზეზი შეიძლება იყოს რეტროგრადული ეაკულაციაც, რომლის დროსაც  ეაკულაცია ხდება,   შარდის ბუშტში და არა შარდსადენიდან გარემოში. ეს მდგომარეობა სამედიცინო პრობლემას წარმოადგენს და აუცილებელია მისი მკურნალობა.