ხშირი მასტურბაციის გავლენა მამაკაცის ჯანმრთელობაზე

მასტურბაცია ერთ-ერთი ყველაზე გავრცელებული სექსუალური ქცევაა.  მამაკაცების საშუალოდ 95 % და ქალების 89 % მასტურბირებს (ან ცხოვრების განმავლობაში ერთხელ მაინც ჰქონია მსგავსი შემთხვევა).

ხშირად ჩნდება კითხვები მასტურბაციის ავკარგიანობის შესახებ, ძირითადად რაც შეიძლება ითქვას ისაა, რომ მასტურბაციას არანაირი ზიანი არ მოაქვს ორგანიზმისთვის (ან შესაძლო ზიანი არ არის მეცნიერულად დადასტურებული).

მასტურბაციის სიხშირეს დიდი მნიშვნელობა არ აქვს, თუ არ არის მკვეთრად გადამეტებული. მასტურბაციის ნორმალური სიხშირეა როგორც თვეში ან წელიწადში რამდენჯერმე, ასევე ყოველდღე.  მასტურბაცია გადამეტებულია, თუ ისეთი სიხშირითაა, რომ ადამიანს ყოველდღიურ სოციალურ და სხვა აქტივობაში ხელს უშლის.

თუ მასტურბაციამ მიიღო კომპულსიური ხასიათი და ადამიანი ვერ ახერხებს მისი სიხშირის კონტროლს, შეიძლება გამოიწვიოს, როგორც ფსიქოლოგიური, ასევე ფიზიოლოგიური ბალანსის დარღვევა.

მასტურბაციის რეკომენდირებულ  სიხშირედ მიჩნეულია  კვირაში რამოდენიმეჯერ ეაკულაცია.

თუ მასტურბაცია გადამეტებული სიხშირითაა, მან შეიძლება გამოიწვიოს პარასიმპათიკური სისტემის ჭარბი სტიმულაცია, იმატებს დოფამინის, სეროტონინის, აცეტილოქოლინის და სხვა ნეიროტრანსმიტერების რაოდენობა, იცვლება ჰორმონული ბალანსი, ამან  კი შეიძლება გამოიწვიოს სხვადასხვა სიმპტომები:

  • დაღლილობა;
  • თმის ცვენა;
  • მახსოვრობის პრობლემები;
  • მხედველობის გაუარესება;
  • ტკივილი საზარდულის მიდამოში.

ზემოთ ნახსენები სიმტომების მიზეზია ჰორმონული მდგომარეობის ცვლილებასთან ერთად ვიტამინების და მინერალების დაკარგვა, რომელიც ეაკულაციის დროს გამოიყოფა სპერმასთან ერთად.

ჭარბმა მასტურბაციამ შეიძლება გამოიწვიოს   ნერვული სისტემის მხრივ დარღვევები,  აგზნებადობა, ფსიქიკის არასტაბილურობა, რაც შეიძლება სექსუალური ცხოვრების მხრივ პრობლემების მიზეზი გახდეს (გამოიწვიოს იმპოტენცია).

გადამეტებული მასტურბაციამ შეიძლება განაპირობოს სპერმის გამოყოფა ერექციის გარეშე. რაც ეაკულაციის მარეგულირებელი ნერვების დარღვეული  მუშაობითაა გამოწვეული.

მასტურბაციისას აუცილებელია უსაფრთხოების ზომების დაცვა. მასტურბაციის უხეშმა ფორმებმა შეიძლება გამოიწვიონ ფიზიკური ტრავმა, პენისის მოტეხილობა, პეირონის დაავადება და ა.შ.

და ბოლოს მასტურბაციას ზოგადად არ მოაქვს ზიანი ჯანმრთელობისთვის. საზიანოა მხოლოდ გადაჭარბებული მასტურბაცია.  მისი რაოდენობის განსაზღვრა ვარიაბელური და ინდივიდუალურია.

სქესობრივი მომწიფების პერიოდში და გარდატეხის ასაკში მასტურბაცია  ყოველდღიური და დღეში რამდენჯერმეც კი არ ითვლება დარღვევად.  18-20 წლის შემდგომ ეს ქცევა შედარებით იშვიათდება.

გადაჭარბებული მასტურბაციაა თუ ეს ქცევა კომპულსიურ ხასიათს იძენს, ანუ მის კონტროლს ვერ ახერხებს ადამიანი და ხელს უშლის ყოველდღიურ აქტივობებში, ან უარყოფითად მოქმედებს მის ფსიქიკაზე.

მასტურბაციით გამოწვეული მინერალების და ვიტამინების დეფიციტის შევსება შესაძლებელია მათი მედიკამენტური და საკვების სახით მიღებით.